Ata që dëshirojnë të udhëtojnë për në Holandë me një avion privat mund të detyrohen të rimendojnë planet e tyre, pasi aeroporti Schiphol i Amsterdam po propozon një ndalim të të ashtuquajturëve private jet. Sipas një deklarate të aeroportit Schiphol, aeroporti shumë i ngarkuar ka sugjeruar një sërë masash për të reduktuar trafikun ajror dhe për të krijuar një sistem “më të qetë, më të pastër dhe më të mirë”.
Sipas propozimeve të reja që aeroporti shpreson se do të hyjë në fuqi “jo më vonë se 2025-2026”, avionët privatë “nuk do të jenë më të mirëpritur” në Schiphol. Nuk do të ketë gjithashtu asnjë aeroplan që do të ulet ndërmjet mesnatës dhe orës 5 të mëngjesit me orën lokale ose ngritje midis mesnatës dhe orës 6 të mëngjesit sipas kohës lokale. Planet për një pistë të re gjithashtu janë anuluar.
Schiphol thotë se ka në shënjestër avionët privatë sepse ata shkaktojnë “një sasi joproporcionale të zhurmës dhe emetimeve të CO2 për pasagjer”. Avionët privatë prodhojnë deri në 14 herë më shumë ndotje nga ngrohja e planetit sesa avionët komercialë dhe 50 herë më shumë se trenat, sipas organizatës europiane të transportit të pastër, Transport & Mjedis.
Kur këta avionë të vegjël nisen nga Schiphol, 30% deri në 50% e tyre po shkojnë në pikat e nxehta të pushimeve si Ibiza në Spanjë, Kanë në Francë ose Innsbruck në Austri, sipas Schiphol. Aeroporti argumenton se ka shumë aeroplanë që fluturojnë nga Amsterdami në ato destinacione dhe sugjeron që pasagjerët e tyre duhet të zgjedhin më mirë avionë komercialë në vend të tyre.
“Aktualisht janë të disponueshme shërbime tw mjaftueshme të planifikuara për destinacionet më të njohura që realizohen normalisht me avionë privatë,” tha Aeroporti Schiphol në një deklaratë, duke shtuar se avionët e vegjël të policisë dhe ambulancave do të lejohen të ngrihen dhe të ulen siç bëjnë aktualisht sipas sistemit të ri.
/ SCAN
