Pasditen e sotme, në orën 16:00 kryesia më e ngushtë partiake e Alternativës ka nisur seancën e organit më të lartë, Kuvendit Qendror, për të formuluar qëndrimin lidhur me vendimin nëse do të vazhdojë të jetë pjesë e pushtetit ekzekutiv, përcjell KlanM.
Zyrtarët e partisë janë mbledhur në selinë në Tetovë dhe sipas njoftimit të tyre seanca do të zgjasë rreth dy orë, pas së cilës do ta informojnë opinionin për vendimin përfundimtar.
Ata dy ditë më parë bënë të ditur se në përputhje me dispozitat statutore është vendosur që qëndrimi përfundimtar të bëhet përmes Kuvendit Qendror, pasi ndërkohë është zyrtarizuar se Aleanca për Shqiptarët po i bashkohet shumicës qeveritare, përcjell Klan Macedonia.
