“KOPJA E SHËMTUAR E PUTINIT PO PËRDOR METODAT E NJËJTA NË MITROVICË”
Dolën për të protestuar kundër barrikadave dhe veprimeve të serbeve në veri të motivuara nga Vuçiçi, e u ndeshën me të njëjtën dukuri.
Barrikada në dy anët e rrugës, të cilat krijojnë tamponë zonë në 50 metra prej ambasadës serbe. E në vend se të protestojnë para ambasadës, protestuan në afërsi të rezidencës së ambasadores amerikane, mirëpo mesazhet ishin të drejtuara për Vuçiqin.
”Diktatorët janë në gjendje të nisin edhe lufta vetëm për të qëndruar në pushtet dhe për të mos u dënuar. Janë mijëra shembuj të tillë që i njeh historia. A nuk jemi dëshmitarë të një lufte neo-kolonialiste në Ukrainë, ku Rusia dëshiron ta grabis atdheun e ukrainasve. A nuk i përdori vallë mentori i Vuçiqit, Putin, klerin që e bekon çdo mjet ushtarak që niset në luftë bashkë me rusët ukrainas, si mish për top në luftën që është duke u zhvilluar atje. Edhe kjo kopja e shëmtuar ballkanike e Putinit është duke shkuar hapave të tij. Edhe ky, serbet e Kosovës i përdor si vegël për të qëndruar në pushtet në një kohë kur opozita serbe është më e zëshme dhe më e fortë nga dita në ditë” – deklaroi Shpëtim Pollozhani, shoqata e të burgosurve politik.
Këtë protestë e përkrahën edhe disa parti politike, e ishte prezent edhe një deputet. Protesta u mbyll pa incidente. /KlanMacedonia/
Përgatiti: Furkan Saliu
