Volodymyr Zelenskiy i paraqiti një kërkesë FIFA-s për të dhënë një mesazh për paqen përpara finales së Kupës së Botës mes Argjentinës dhe Francës të dielën, por organi qeverisës botëror e refuzoi atë, tha një burim për CNN.
I njëjti burim theksoi se zyra e Zelenskyt kërkoi që Presidenti ukrainas përmes video-mesazhit të lidhej me tifozët në stadiumin e Katarit para ndeshjes së madhe të së dielës , por u befasua kur dëgjoi FIFA-n të thoshte jo.
Nuk ishte e qartë nëse mesazhi i Zelenskyt do të transmetohej drejtpërdrejt apo do të regjistrohej.
“Ne menduam se FIFA dëshironte të përdorte platformën e saj për të mirën më të madhe”, tha burimi, i cili është i afërt me Kievin.
Megjithatë, bisedimet midis Ukrainës dhe autoritetit organizator të futbollit janë ende në vazhdim, shtoi burimi.
Kërkesa e Zelenskyt, megjithatë, nuk është befasuese.
Kievi është përpjekur vazhdimisht të përdorë ngjarjet kryesore globale, pavarësisht nga tema e tyre, për të mbajtur në qendër të vëmendjes botërore luftën në Ukrainë.
Zelensky është shfaqur përmes videove në shumë ngjarje, nga samiti i Grupit 20 deri te Grammy dhe Festivali i Filmit në Kanë.
