Legjenda e tenisit do të sponsorizohet deri në moshën 46-vjeçare
Tërheqja nga sporti pritej të ndërpriste edhe shumicën e të ardhurave për Roxher Federer. 41-vjeçari vendosi që t’i jap fund karrierës si tenist profesionist, gjithsesi, sponsorët do të vijojnë që ta mbështesin dhe të investojnë te imazhi i tij.
Zviceriani ka një numër të lartë sponsorësh, të cilët në vitin 2020 e shndërruan në atletin më të paguarin në botë. Shifrat më të larta ai i përfiton nga marrëveshja me markën japoneze të veshjeve Uniqlo, e cila do të bashkëpunojë me Federer deri sa ai të festojë ditëlindjen e tij të 46.
Nga marrëveshja me Uniqlo, Federer do sigurojë 30 milionë Dollarë në vit, ose e thënë ndryshe 300 milionë Dollarë në total.
Nga 20 Grand Slam e fituara dhe sukseset në karrierën e tij si profesionist, Federer ka fituar mbi 130 milionë Dollarë, shifër e cila duket e papërfillshme në krahasim me sponsorit.
Legjenda e tenisit ka edhe përfitime të tjera në bizneset e tij, ku vlen të theksohen aksionet në kompaninë zviceriane të veshjeve sportive, ON.
Suksesi në fushat e tenisit duket se është reflektuar edhe jashtë saj. Influenca ka bërë që ai të krijojë edhe fondacionin me emrin e tij, ku deri më tani ka mbledhur më shumë se 50 milionë Dollarë dhe ka arsimuar 1.5 milionë fëmijë në Afrikë.
Klan News
