CEREMONIA PËR HERË TË PARË EMETOHET DREJTPËRDREJTË
Charles III është shpallur mbret në një ceremoni në Pallatin St James.
Këshilli i Aderimit, i përbërë nga politikanë të lartë, gjyqtarë dhe zyrtarë, e shpalli atë monark. Është hera e parë që ceremonia historike transmetohet në televizion.
Nëpunësi i Këshillit Private Richard Tilbrook e shpalli Charlesin “Mbret, kreu i Komonuelthit, mbrojtës i besimit”. Rreth 200 njerëz u mblodhën në dhomë të gjithë një zëri u shprehën “Zot ruaj Mbretin”.
Charles III bëri homazhe mbretëreshës së ndjerë përpara se të betohej gjatë ceremonisë. Princi Ëilliam, mbretëresha Camilla, si dhe qindra personalitete, përfshirë ish-kryeministra si Boris Johnson, Theresa May, David Cameron, Gordon Broën, Tony Blair dhe John Major ishin të pranishëm.
”Jam thellësisht i vetëdijshëm për këtë trashëgimi të madhe dhe për detyrat dhe përgjegjësitë e që më kanë kaluar tani. Me marrjen e këtyre përgjegjësive, unë do të përpiqem të ndjek shembullin frymëzues që më është dhënë në mbështetjen e qeverisë kushtetuese dhe të kërkoj paqen, harmoninë dhe prosperitetin e popujve të këtyre ishujve, të mbretërive dhe territoreve të Komonuelthit në mbarë botën . Si për këtë mbretëri dhe për familjen më të gjerë të kombeve, nëna ime dha një shembull dashurie të përjetshme. Mbretërimi i nënës sime ishte i pashoq në kohëzgjatje dhe në përkushtim” – deklaroi Mbreti Charles.
Charles u bë mbret menjëherë pas vdekjes së nënës së tij, Mbretëreshës Elizabeth II. Pasi ai mori zyrtarisht titullin mbret një ceremoni jashtë Pallatit St James u zhvillua për nder të tij.
Flamujt që u ulën në zi për mbretëreshën e ndjerë dhe do të valviten të plotë në për një kohë të shkurtër. Banda mbretërore e shoqëroi të gjithë ceremoninë me tingujt e saj.
Ndërkaq u bënë edhe përshëndetje me armë pas zyrtarizimit të tij. Trupat qëlluan 41 armë në Hyde Park dhe 62 armë në Kullën e Londrës për të shënuar pranimin e Mbretit.
GAZETARE: LIVIA KALLFA
PAMJET: KLAN NEËS
