Trupi i një ushtari indian, i cili u zhduk në Himalaje 38 vite më parë, është gjetur. Chandrashekhar Harbola dhe 19 kolegët e tij u goditën nga një ortek në akullnajën Siachen përgjatë kufirit Indi-Pakistan në 1984. Pesëmbëdhjetë trupa u gjetën më vonë, por pesë mbetën të zhdukur.
Siachen është fusha më e lartë e betejës në botë dhe ushtarët nga të dy vendet vdesin dhe si pasojë e stuhive dhe ortekëve. Me Harbolan u gjet dhe një trup tjetër i pajetë, por akoma nuk është bërë i mundur identifikimi i tij.
Kjo nuk është hera e parë që pas dekadash gjendet trupi i një ushtari. Një njësi patrulluese gjeti trupin e Tukaram V Patil në 2014 – 21 vjet pasi ai u zhduk.
Siachen ka qenë një zonë e kontestuar midis Indisë dhe Pakistanit. Bisedimet janë zhvilluar për çmilitarizimin e zonës por pa asnjë sukses.
Trupat nga fqinjët e armatosur me armë bërthamore luftuan një betejë të shkurtër për të siguruar kontrollin e tyre mbi akullnajën Siachen në 1984. Më shumë se katër dekada më vonë, trupat nga të dy kombet janë ende të vendosura në terrenin jomikpritës.
Të paktën 129 ushtarë pakistanezë vdiqën në vitin 2012 në një ortek pranë akullnajës Siachen. Incidenti nxiti thirrjet për Indinë dhe Pakistanin për të tërhequr trupat nga zona e kontestuar, por fqinjët nuk arritën në një vendim./tvklan.al
