KINA THIRRJE KOMUNITETIT NDERKOMBETAR TE ELIMINOJE DHUNEN SEKSUALE QE PO NXITET NGA AGRESIONI NE UKRAINE
Sulme të ashpra po vijojnë që të zhvillohen në pjesën lindore të Ukrainës. Rusia po e fokuson fuqinë e saj sulmuese atje me shpresën për të arritur një nga synimet e saj të deklaruara të luftës. Turqia ka bërë të ditur se po punon ngushtë me Rusinë dhe Ukrainën për të rënë dakord për një plan të drejtuar nga OKB-ja që do të rifillonte eksportet e grurit. Një i dërguar kinez u bëri thirrje palëve në konfliktin Rusi-Ukrainë që të respektojnë ligjin ndërkombëtar për të mbrojtur civilët.
Lufta intensive për kontrollin e qytetit lindor të Ukrainës, Severodonetsk, po vazhdon, me Rusinë e cila po përdor artileri, avionë dhe helikopterë në zonë.
Dy persona u plagosën pasi forcat ruse bombarduan një zonë minierash në Lysychansk, i cili ndodhet në një terren strategjik të lartë përtej lumit Siverskyi Donets.
Më në perëndim, në rajonin e Donetskut, ushtria ukrainase tha se Rusia po i përqendronte përpjekjet e saj në lëvizjen në jug nga Izyum drejt Slovianskut, ku vija e frontit nuk ka lëvizur shumë, pavarësisht shumë javësh luftimesh intensive.
Lufta për qytetin e vogël industrial është shfaqur si një betejë kryesore në Ukrainën lindore, me Rusinë që fokuson fuqinë e saj sulmuese atje me shpresën për të arritur një nga synimet e saj të deklaruara të luftës për të kapur plotësisht provincën përreth Luhansk në emër të përfaqësuesve separatistë.
Luhansk dhe provinca fqinje e Donetskut, të njohura së bashku si Donbas, janë bërë fokusi kryesor i Rusisë që kur forcat e saj u mundën në periferi të Kievit në mars dhe u larguan nga qyteti i dytë më i madh Kharkiv muajin e kaluar.
Rusia ka bërë presion nga tre drejtime kryesore – lindja, veriu dhe jugu – në përpjekje për të rrethuar ukrainasit në Donbas. Ushtria ukrainase tha se dy civilë u vranë nmga bombardimet ruse në Donbas dhe forcat ruse kishin qëlluar në më shumë se 20 komunitete. Përballë luftimeve “të ashpra”, Presidenti i Ukrainës Zelensky tha se ai beson se ka “çdo mundësi” që vendi i tij të mbajë Severodonetsk.
Ndërkaq Presidenti i Këshillit Evropian Charles Michel tha se Rusia po përdorte furnizimet ushqimore kundër botës në zhvillim, duke i detyruar njerëzit të jetojnë në varfëri. Turqia ka bërë të ditur se po punon ngushtë me Rusinë dhe Ukrainën për të rënë dakord për një plan të drejtuar nga OKB-ja që do të rifillonte eksportet e grurit nga portet ukrainase nëpërmjet një korridori të sigurt të transportit.
Një i dërguar kinez u bëri thirrje palëve në konfliktin Rusi-Ukrainë që të respektojnë ligjin ndërkombëtar dhe të marrin të gjitha masat e mundshme për të mbrojtur civilët nga të gjitha format e dhunës.
Komuniteti ndërkombëtar nuk duhet të ndalet në eliminimin e dhunës seksuale dhe trafikimit të qenieve njerëzore. Vetëm përmes armëpushimit dhe rivendosjes së paqes mund të shmanget rrënjësisht trauma e konfliktit për gratë dhe fëmijët, tha Dai Bing, zëvendës përfaqësuesi i përhershëm i Kinës në Kombet e Bashkuara. Kina u bën thirrje edhe një herë palëve të interesuara që të vënë paqen dhe sigurinë ndërkombëtare dhe rajonale në radhë të parë dhe të luajnë një rol konstruktiv në zgjidhjen e duhur të krizës në Ukrainë.
