50 Cent po mohon se ka plagosur qëllimisht një fanse pasi një video e tij duke hedhur një mikrofon në turmë në koncertin e tij në Los Angeles u bë virale.
Ndërsa performonte në skenë në Cryto.com Arena të mërkurën, pamjet e siguruara nga USA TODAY tregojnë reperin duke hedhur një mikrofon nga skena. Mikrofoni ishte me sa duket “pajisje jofunksionale”, sipas Rolling Stone dhe NBC News.
Menjëherë pas kësaj, dikush i dha 50 Cent një mikrofon tjetër, për të cilin Rolling Stone raportoi se “me sa duket nuk po funksiononte”. Këtë herë, video tregon se ai lëshon mikrofonin e dytë në të njëjtën zonë të skenës me forcë në dukje më të madhe. Skena ka ndodhur teksa mjetet piroteknike qëllojnë në ajër në pjesën e përparme të skenës dhe muzika vazhdon të dëgjohet.
Avokati i reperit, Scott Leemon, mohoi pretendimet që klienti i tij kishte për qëllim të godiste një fanse, tha ai në një deklaratë për USA TODAY të premten. Leemon gjithashtu tregoi se ai foli me policinë për incidentin.
“Le të jemi shumë të qartë, siç i thashë LAPD-së këtë pasdite, klienti im Curtis kurrë nuk do të godiste askënd qëllimisht me mikrofon”, tha Leemon. “Kushdo që thotë diçka ndryshe nuk i ka të gjitha faktet dhe është i keqinformuar”.
Tifozja në turmë që dyshohet se është goditur nga mikrofoni dhe nuk është kapur në pamje.
