Kina ka njoftuar se këtë vit, do të përfundojë ndërtimin e prototipeve për të testuar trenin me shpejtësinë më të shpejtë në botë, mesatarisht 400 km në orë. Për momentin, trenat në operim komercial arrijnë një maksimum prej 350 km në orë.
Projekti synon të reduktojë kohën e udhëtimit midis Pekinit dhe Shangait nga mbi katër orë në dy orë e gjysmë. Treni pritet të hyjë në shërbim deri në vitin 2025. Treni i ri përfaqëson kulmin e projektit CR450 të nisur nga Kina tre vjet më parë. Versioni më i përditësuar i trenit, Fuxing, do të testohet me shpejtësi mesatarisht deri në 450 km në orë, por do të ketë një shpejtësi komerciale prej 400 km në orë.
Testimi i performancës së komponentëve të rinj të teknologjisë së lartë thelbësore për CR450 u përfundua në qershor 2023, duke vendosur një rekord prej 453 km/h gjatë një testimi – që besohet të jetë më i shpejti në botë. Testi u krye në Urën e Detit të Gjirit Meizhou, e cila është një komponent kryesor i rrjetit hekurudhor të shpejtësisë së lartë midis Fuzhou dhe Xiamen në provincën juglindore të Fujian.
Kina planifikon të përmirësojë rrjetin e saj hekurudhor në 165.000 km deri në vitin 2025, duke përfshirë 50.000 km trena me shpejtësi të lartë. Në fund të vitit 2023, rrjeti hekurudhor i Kinës mbuloi 159 mijë kilometra.
/SCAN
