2Ton ka gati albumin e tij të parë.
Pas shumë vitesh në muzikë, dhjetëra këngësh e bashkëpunimesh, këngëtari do të publikojë mbrëmjen e së enjtes ‘CV’-në e tij të karrierës.
Në postimin në rrjetet sociale, 2Ton shkruan se albumi titullohet “Passion” dhe do të dalë në orën 23:59. Më tej, ai ka falenderuar personat dhe fansat që e kanë mbështetur.
“Kam kënaqësinë ta ndaj me njerëzit e mi këtë album si shenjë falenderimi për këtë rrugëtim të pafund dhe me pafund falenderime për të gjithë ju që vazhdoni të më suportoni prej ditës së parë e deri tani”.
Këngëtari ka postuar edhe listën e 12 këngëve të albumit. Mes tyre nuk mungojnë bashkëpunimet me artistë si Majk, Nego, Tarto, Blleki e Festim.
Ndërkohë bashkëpunimi me Majk, i titulluar “Aventura”, do të publikohet gjithashtu sot (të enjten) në orën 16:00./tvklan.al
