Me rastin 27 vjetorit të ngjarjeve të 9 Korrikut, ushtruesi i detyrës së kryetarit të Komunës së Gostivarit, Valboni Limani përkujtoi dëshmorët që ranë për flamur, Nazmi Saliu, Shpend Iseini dhe Milaim Dauti.
“Sot është 9 Korriku, ndërsa ne erdhëm të respektojmë një nga tre heronjtë e flamurit këtu në Turçan, Nazmi Saliun, në Forinë do të shkojmë te Shpend Iseini dhe në Dobërdoll, Milaim Dautin. Kjo datë është ngjizur në memorien tonë kolektive të shqiptarëve si datë që ka bërë kthesë të madhe historike, posaçërisht te shqiptarët e Maqedonisë dhe do të mbetet si e tillë”, u shpreh Limani.
Limani po ashtu rikujtoi veprën e Rufi Osmanit duke e vlerësuar si hero të gjallë dhe simbol i flamurit shqiptar për shqiptarët e Maqedonisë së Veriut.
