Ushtria izraelite ka paralajmëruar qytetarët libanezë që të mos kthehen në 60 fshatra në jug të vendit, tre ditë pas armëpushimit pas më shumë se një viti luftime me grupin e armatosur të Hezbollahut.
Forcat e Mbrojtjes së Izraelit (IDF) publikuan një hartë që tregon një pjesë të territorit disa milje të thellë, ku tha se banorët nuk duhet të kthehen. Kushdo që e bënte, sipas tyre do ta vinte veten në rrezik, shkruan BBC.
Më shumë se një milion libanezë janë zhvendosur nga luftimet, kryesisht nga jugu. Dhjetëra mijëra izraelitë janë zhvendosur gjithashtu.
Armëpushimi hyri në fuqi të mërkurën në mëngjes, megjithëse zyrtarët në Izrael dhe Liban kanë akuzuar njëri-tjetrin për shkeljen e tij.
