Një valë e papritur e pluhurit afrikan ka përfshirë disa rajone në Greqi, duke krijuar një situatë të vështirë për banorët dhe duke shkaktuar alarmin e autoriteteve lokale. Meteorologët kanë bërë thirrje për kujdes të shtuar dhe kanë parashikuar se ky fenomen do të vazhdojë deri në mes të javës, me pritshmëri që të largohet gradualisht.
Në qytetet Mesini dhe Kalamata, pamjet e pluhurit që mbulon qiellin janë bërë virale në rrjetet sociale, duke i krahasuar me peizazhet e shkretëtirës së Libisë. Kjo situatë ka shkaktuar një ndjenjë mbytjeje dhe ka vënë në vështirësi aktivitetet e përditshme të qytetarëve.
Gjithashtu, në zonën e Ilis, pluhuri ka krijuar një mjegull të dendur që ka “fshehur” qiellin, duke e bërë të pamundur shikimin e diellit. Pamjet nga porti i Katakolos, plazhi i Karoutës dhe zona e Zaharos tregojnë një peizazh të ndryshuar rrënjësisht, ku pluhuri ka mbuluar gjithçka në një vel të hollë.
Autoritetet vazhdojnë të monitorojnë situatën dhe të japin rekomandime për mbrojtjen e shëndetit të qytetarëve, ndërsa presin që kushtet atmosferike të përmirësohen në ditët në vijim. Ndërkohë, banorët janë bërë më të vetëdijshëm për ndikimin e ndryshimeve klimatike dhe për nevojën e masave mbrojtëse në raste të tilla fenomeneve natyrore.
