Presidenti i Serbisë, Aleksandar Vuçiq ka dhënë një konfirmim tjetër, se nuk do t’i dënojë veprimet e Rusisë për luftën në Ukrainë.
Madje pavarësisht se presidenti francez, Emmanuel Macron u kërkoi vendosjen e sanksioneve ndaj Rusisë, qoftë edhe si kusht për blerjen e ‘Rafalëve’, ai u përgjigj se qëndrimi i Serbisë për këtë çështje nuk ka ndryshuar, transmeton klankosova.tv.
Për këtë ai foli me mburrje mbrëmë, duke u krenuar me qëndrimin e tyre.
”Qëndrimi që shprehëm tetë ditë pas fillimit të konfliktit në Ukrainë, vlen edhe sot”, tha Vuçiq.
Për raportimet sipas Sky, se Macron po e shantazhon, ai thotë se nuk ka qenë asnjëherë në atë mediun dhe as në asnjë tjetër.
“Serbia nuk e ka ndryshuar dhe nuk do ta ndryshojë qëndrimin e saj”.
”Askush nuk e ka shantazhuar dhe as nuk mund ta shantazhojë”, shtoi Vuçiq.
