Kryeministri izraelit Benjamin Netanyahu, tha se “lufta e drejtë e Izraelit për të eliminuar Hamasin” do të vazhdojë.
Ky deklarim erdhi pasi mijëra izraelitë dolën në rrugët e Tel Avivit për të kërkuar nga qeveria të bëjë më shumë për të siguruar lirimin e robërve.
Disa nga ta kërkuan dorëheqjen e Netanyahut, raporton Al Jazeera, transmeton Klankosova.tv.
“Unë e vlerësoj shumë qëndrimin e duhur që ShBA-ja mbajti në Këshillin e Sigurimit të Kombeve të Bashkuara”, tha kryeministri izraelit, duke iu referuar votimit të së premtes.
“Prandaj, Izraeli do të vazhdojë luftën tonë të drejtë për të eliminuar Hamasin dhe për të arritur qëllimet e tjera të luftës. Vendet e tjera duhet të kuptojnë gjithashtu se është e pamundur të mbështetet eliminimi i Hamasit nga njëra anë dhe nga ana tjetër të bëhet thirrje për përfundimin e luftës, e cila do të parandalojë eliminimin e Hamasit”, shtoi shefi i qeverisë izraelite.
