Kampionati republikan i volejbollit në kategorinë e meshkujve dhe atë të femrave vazhdon të shtunë me ndeshjet e xhiros së dytë. Në kategorinë e meshkujve në program janë pesë takime me që përballja Vesna Probishtip – Strumica, është anuluar.
Klubi i volejbollit Shkëndija pas fitores në xhiron e parë në transfertë kundër Sushevës, të shtunën është nikoqire e Vardarit, ndeshje kjo e cila do të zhvillohet në sallën sportive “8 Shtatori” te shkolla e mesme Ekonomike në Tetovë, me fillim në orën 16:00. Trajneri Durim Luma para kësaj ndeshja deklaroi: “ Është një rast i mirë që edhe në këtë ndeshje të gjithë lojtarët tanë të kenë mundësi të japin kontributin e tyre dhe të dëshmojnë cilësitë me një fitore të radhës. Besoj se ekipi ynë edhe kundër Vardarit do të shënoi fitore të sigurt”.
Skuadra tjetër tetovare Liria e Zherovjanit nesër me fillim në orën 17:30 është mysafire e Borecit në Veles, me shpresë të madhe se do të vazhdon rrugëtimin e fitoreve. Trajneri i ekipit nga Zherovjani, Sadik Ferati, para transfertës me Borecin për televizionin Klan Maqedoni, deklaroi: ‘‘Duke marrë para sysh përforcimet cilësore , dhe pretendimeve tona për këtë kampionat, jam i bindur se pos fitores të sigurt çdo rezultat tjetër do të paraqiste befasi. Jemi më cilësor se Boreci dhe presim fitore” tha ai.
Në sallën e shkollës fillore “Nevena Georgieva –Dunja” në Shkup, me fillim në ora 17:00, ndeshje kampionate do të zhvillojnë Janta Volej – K.V. Universiteti i Tetovës. Duke pasur para sysh se në hapjen e sezonit ekipi studentor pësoi humbje para tifozëve vendas nga ekipi kampion, në Shkup udhëton e bindur se do të fiton tre pikët e para. Kë e deklaroi kapiteni Hamza Veseli. “Ajo që mund të themë para kësaj ndeshje është se shkojmë për fitore të sigurt, e përsërisë se ekipin ynë do fitoje”.
Të dy ndeshjet tjera takohen: Makedonija Xhio – Susheva dhe Rabotniçki Shkup – UGD Shtip.
Liga e parë meshkujt, takohen:
Shkëndija – Vardari
Boreci – Liria
Janta Volej – KV Universiteti i Tetovës
Makedonija Xhio – Susheva
Rabotniçki – UGD Shtip
Vesna Probishtip – Strumica është anuluar
Liga e parë – femrat, takohen:
Nakovski Volej – UGD Mladost
Fit Fan Volej – Vardari Vajzat 2019
Flamengo Volej – Viktoria Volej
Vardari EM – Strumica Vajzat /KlanMacedonia/
