Kryeministri izraelit Benjamin Netanyahu ka bërë thirrje për dëbimin e emigrantëve që jetojnë ilegalisht në Izrael, pasi më shumë se 22 policë u plagosën duke iu përgjigjur një trazire që përfshin eritreanët që kërkonin azil në vendin e Lindjes së Mesme.
Kjo thirrje e tij erdhi pas një takimi të ekipit të posaçëm ministror të mbajtur një ditë pasi më shumë se 150 persona u plagosën, përfshirë 30 oficerë policie në dhunën që shpërtheu gjatë një proteste ku u përfshin qindra azilkërkues nga Eritrea, transmeton Klankosova.tv.
Zyrtarët e deklaruan incidentin një ngjarje me viktima masive, e cila ishte rezultat i përleshjeve që shpërthyen jashtë ambasadës eritreane në jug të Tel Avivit midis fraksioneve pro-qeveritare dhe antiqeveritare.
Ndonëse qindra eritreanë ishin mbledhur në ambasadë për një tubim të mbajtur nga Asmara për të festuar pavarësinë e vendit dhe u përballën me protestues antiqeveritar.
Netanyahu tha se po kërkojnë “hapa të fortë kundër rebelëve”, duke përfshirë dëbimin e tyre të menjëhershëm, por se ata gjithashtu do të ndërtojnë një plan për largimin e të gjithë njerëzve që kanë hyrë ilegalisht në Izrael, raportojnë mediat ndërkombëtare, transmeton Klankosova.tv.
“Do të dëshiroja gjithashtu që ky forum të përgatisë një plan të plotë dhe të përditësuar për të riatdhesuar të gjithë të infiltruarit e mbetur të paligjshëm nga shteti i Izraelit, ky është qëllimi i takimit tonë sot”, tha ai.
Netanyahu tha se Izraeli po merret edhe me “infiltrimin masiv të paligjshëm” të afrikanëve që përbën një kërcënim të prekshëm për të ardhmen e Izraelit si një shtet hebre dhe demokratik, dhe se kanë marrë masa, duke përfshirë ngritjen e një muri në kufirin jugor, për të cilin tha se ka ndalur plotësisht infiltrimin.
“Tani mbetet problemi serioz i infiltruesve të paligjshëm në jug të Tel Avivit dhe në vende të tjera, por ajo që ndodhi dje kaloi një vijë të kuqe, kjo shqetësim, gjakderdhje, këto janë gjëra që ne nuk mund t’i tolerojmë”, tha ai.
Ai gjithashtu vuri në pikëpyetje pse ata që mbështesin qeverinë e Eritresë do të ishin në radhë të parë në Izrael, duke thënë se “ata sigurisht që nuk mund të pretendojnë statusin e refugjatit”.
Organizata ASSAF e ndihmës për refugjatët në Izrael thotë se ka rreth 33,000 refugjatë afrikanë dhe azilkërkues që kanë ikur në Izrael nga mizoritë dhe persekutimet në qarqet e tyre të lindjes.
Gjithashtu, kjo organizatë akuzoi qeverinë izraelite se dinte për potencialin e dhunës të shtunën, por nuk bëri asgjë për ta ndaluar atë.
Ai vazhdoi se do të ishte më mirë që ligjvënësit të mos nxirrnin përfundime nga një “ngjarje e tillë e ngarkuar” dhe të përpiqeshin të kuptonin se si ndodhi.
